Desde este proxecto non podiamos esquecernos de darlles voz ás integrantes de Las Sin Sombrero, esas artistas que deberían acompañar a Lorca ou a Cernuda na nómina da Xeración do 27 pero nunca estudamos nos libros de historia.
Como o fixemos? Cinco grupos de alumnos de 4° de ESO A visitaron diferentes aulas do centro, e incluso a sala de profesores, para dar a coñecer aos seus compañeiros e docentes o labor de cinco destas mulleres.
Algúns elixiron facelo en forma de xogo e outros "resucitaron" a estas artistas para que elas mesmas falasen das súas traxectorias. Na imaxe, Alexandra caracterizada de Concha Méndez contando a súa biografía e lendo un dos seus poemas aos alumnos de Música de 1° de Bacharelato.
Comentarios
Publicar un comentario